హర్యానాలోని సూరజ్ కుండ్ లో భారతీయ జనతాపార్టీ జాతీయ కార్యవర్గ సమావేశాలు జరుగుతున్నాయ్. దేశంలో ప్రస్తుతం నెలకొన్న పరిణామాల్ని బట్టి జనానికి దగ్గరయ్యేందుకు తమ పార్టీలో ఏ స్థాయిలో మార్పులు చేర్పులు చేసుకోవాలన్న దానిపై బీజేపీ జాతీయ స్థాయి నేతలు ఈ కార్యవర్గ సమావేశాల్లో మేథో మధనం జరుపుతున్నారు. గడ్కరీ పదవీకాలం ముగియడంతో మరో కొత్త అధ్యక్షుడి ఎంపికపైకూడా ఈ సదస్సులో కసరత్తు జరుగుతోంది. మెజారిటీ నేతలు మరోసారి గడ్కరీకి అవకాశం ఇవ్వాలని బీజేపీ అధిష్ఠానానికి సూచిస్తున్నారు. అద్వానీ లాంటి పై స్థాయి నేతల ఆశీస్సులు పుష్కలంగా ఉండడంతో గడ్కరీ మరోసారి బీజేపీ జాతీయ అధ్యక్షుడిగా ఎన్నికయ్యే అవకాశాలు పుష్కలంగా ఉన్నాయని గట్టిగానే చెప్పుకుంటున్నారు.